Forgot your password?
Whakamārama
(Short Māori title: Whakamārama.)
WhakamāramaNau mai, piki mai ki te ī-papakupu, e kitea ai ētahi kupu e 8,000 kua whakamāoritia mō He Pātaka Kupu, te papakupu reo Māori hou a Te Taura Whiri ka puta ā te Mahuru 2008. He tīpakonga kupu noa iho tēnei – he takahanga tuatahi; ā tōna wā ka utaina mai ngā kupu katoa o He Pātaka Kupu ki te pae tukutuku nei.
Kua eke tēnei ki te wā e riro ai mā te reo Māori tonu e whakaahua tōna ao, me tāna titiro ki tōna ao. Ko He Pātaka Kupu te papakupu Māori tuatahi mā te hunga kua mārō haere te takahi i te huarahi whai i te reo, ko ōna kōrero katoa kei tō tātou reo rangatira. E tata ana ki te 24,000 ngā kupu, ngā aronga kupu rānei o te ao tawhito, o te ao hou, o te ao Māori, o te ao nui tonu, e whakamāramatia ana i te papakupu nei. Kua takoto anō he tauira ki te nuinga, e kitea ai te noho mai o te kupu ki te kārero.
Ko 'He Pātaka Kupu - te kai a te rangatira' te papakupu reo Māori anake tuatahi kua hangaia mā ngā pakeke. Āwhiwhi 24,000 ngā whakaurunga kupu ā, ka tū te papakupu reo Māori hei rauemi reo Māori kī rawa hei āwhina i ngā kaikōrero tino matatau me ngā ākonga hoki.
Ngā kōrero e pā ana ki te mahi hoki i He Pātaka Kupu:
- E wātea ana ngā putanga māngohe, mārō hoki o He Pātaka Kupu mai i ngā toa pukapuka matua.
- $65 te utu mō ngā kape mārō te uhi (kua tāpirihia te tāke hokohoko). $40 te utu mō ngā mea māngohe te uhi (kua tāpirihia te tāke hokohoko).
- Ka taea te hoko i ngā papakupu i ngā toa pukapuka matua, mā te ī-mēra rānei ki a Unity Books: books@unitybooks.co.nz .
- Ka taea e ngā kaihoko o waho o Aotearoa te hoko i te papakupu nei mā tēnei hono: nzbooksabroad.com
- E taea ana e ngā toa pukapuka katoa te ōta hāngai mai i te kaitā i te papakupu. Tērā pea me tono koe i te toa pukapuka kia whakaritea e rātou. Ko te tikanga kāore e nui ake te utu.
